هنتكلم النهارده عن زيت بيعالج مشاكل كتير اوى للشعرهو غلس شويه في عمايله بس يستاهل بيعالج التساقط وبيقوى الشعر جداا ومع الاستمرار عليه بيتقل الشعر
هو عبارة عن مجموعة زيوت مع حاجات طبيعية استخدمته السنة اللى فاتت انا واختى وجاب نتيجه كويسة جدا والحقيقه انا مش بحب اتكلم عن الزيوت او الوصفات لان زى ما انتوا عارفين مش كل ماسك او زيت بيناسب كل انواع الشعر بس مكونات الزيت كلها طبيعية ومجربة واتمنى انكم تستفيدوا منه وانا كمان هبدأ معاكم من تانى
هتنقعى الحلبه مع الحنة وبودرة الاملا في ميه دافيه لمده 5-6 ساعات وبعدين تضربيهم في الخلاط مع شويه (مية مع زيت جوزهند) وتركنيهم في طبق متغطى لمده 4 ساعات عشان المكونات تتندمج مع بعض وبعدين هتحطى زيت جوزالهند والسمسم والخردل في حلة على نار هاديه لمده 3-5 دقايق وبعدين تحطى العجينه بتاعة الحنه والحلبة والاملا على الزيت ومعاهم الشاى الاخضر والجنزبيل وتقلبيها في الزيت وتسيبيه هتلاقيه بيعمل رغاوى جامده سيبيه متقلبيش واصبرى لحد ما الرغاوى ده تقل بالتدريج لحد ما تختفى خالص هتاخد وقت من 20 دقيقه لان باختفاء الرغاوى معناها ان الزيت شرب وامتص كل الفوايد والمغذيات اللى كانت في الاعشاب هتصفيه زى كده
وتحطيه في حاجه ازاز برطمان او ازازة
الطريقه الثانيه
هى اسهل ونفس المفعول وفيها بتنقعى الحلبه لمده 3-4 ساعات عشان تبقى طريه وبعدين بتضيفى الاعشاب اللى عندك والزيت وكل حاجه وبتسيبيهم على نار هاديه 10 دقايق كده وبعدين بتصفيه وبس كده
ده فيديو بيوضح الطريقة دى (بس المكونات تختلف شويه وده لانى حطيت التاتش بتاعى لتغذيه وفوايد اكتر)
هتوزعى الزيت بشكل اساسى على الفروة وبعدين على الشعر وتسيبيه من 3-4 ساعات ويتغسل عادى تتعمل مرة -مرتين في الاسبوع الطريقه الاولى اصعب شويه بس الزيت بيمتص المكونات بتاعة الاعشاب احسن شويه متخليش اى حاجه مش عندك توقفك حاولى تستخدمى اللى عندك او تقدرى تشتريه واعمليها بالطريقه الاولى او التانيه
* لون الشعر- عصير التوت *
في فتوكات كتير بتحب تغير لون شعرها في الربيع بدخول الصيف وده انا مش بشجعه ابدا لاننا كلنا عارفين اضرار الصبغه طبعا مش محتاج انى اقولها بس لقيت طريقه لتغيير لون الشعر وواحده قريبتى جربتها من يومين وشافت نتيجه حلوة اووى منها وانا ناويه اعملها اليومين الجايين وهعمل لكم update بالصور في الموضوع وهو عصير التوت cranberry تقدرى تيجيبه من اى سوبرماركت وهوموجود في السوق حاليا عصير التوت ده بيدى ضى احمر جميل اووى وممكن كستنائى وخصوصا لو شعرك فاتح شويه مش اسود قاتم
هتخلطى المكونات مع بعض في الخلاط كويس اوى لحد ما يبقى عندك خليط كريمى ووزعيه على الشعر وسيبيه من 4-5 ساعات
الطريقة الثانيه
المكونات عصير توت 1 معلقة من اى نوع زيت عندك (جوزهند او زيت زيتون او زيت لوز حلو) افوكادو او موزة
هتعصرى التوت مع حبة ميه ومعلقة الزيت في الخلاط او لو عندك عصارة الفواكه وتحاولى تخلى القوام متوسط الكثافه مش سائل ولو لقيتيه سائل اضربى معاه موزة او افوكادو ووزعيه على شعرك وسيبيه من 4-5 ساعات واغسليه
اللون المتوقع
هيفرق على حسب لون شعرك الاساسى بس لو شعرك فيه اى اثار حنه الماسك ده هيوضح اللون الاحمر جداا وهيظهره لو صابغه شعرك من قريب درجات الاحمر او الكستنائى المحمر الماسك هيدى لشعرك لون جذاب جداا لو شعرك اسود هيديكى ضى محمر فالالوان هتتفاوت
*وبمناسبة الجديد احب اقول على زبدة الشيا المخفوقة *
فتوكات كتير بيجيبوا زبدة الشيا ومش بيعرفوا يستخدموها ويرجعوا يقولوا انها وحشة او ملهاش لازمه او معملتش نتيجة زبده الشيا مش بتستخدم لوحدها كده لكن هى بتتضرب مع الزيوت بمضرب عادى او كهربائى في طبق غويط
والمقادير بتكون
3 معالق كبيرة زبدة الشيا 2 معلقه صغيرة زيت جوزالهند او الجوجوبا 2 معلقه صغيرة زيت الزيتون او اللوز الحلو 2 كبسولة فيتامين e
الطريقه
بتحطى زبدة الشيا وعليها الزيوت في طبق غويط وبتضربيهم بالمضرب لحد ما يبقى الخليط بتاعك كريمى لو لقيتى زبده الشيا جامدة اوى بتسيحها على حمام مائى بس يفضل انك متعرضيهاش لاى حرارة وانك تسيحيها بضربات المضرب بتاعك وبعدين بتحطيها في علبه فاضيه عندك بس كده دى زبدة الشيا بتاعتى هى خلصانه ومحتاجه اعمل تانى
دى زبدة الشيا بتاعتى
افضل الطرق للعناية بالشعر والحفاظ عليه
- بعد غسيل الشعر نشفيه بتى شيرت قطن قديم بدل الفوطة لان الفايبر بيعمل هيشان وشد للكوتيل الموجود فى الشعر وهو اللى بيسببالهيشان والتقصف من قدام
- سرحى شعرك بمشط خشب واسع الاسنان بس لومش لاقيه مشط خشب كويس يبقى استخدمى نوع بلاستيك كويس هيبقى احسن كتير من انكتستخدمى مشط خشب ردىء لانه هيأذى الشعر
- استخدام الامشاط عموما افضل من الفرشللشعر لان الفرش بتضايق طبقة الشع الخارجيه وبتقطعها وهو ده برضه اللى بيسبب تكسرالشعر وهيشانه
- متستخدميش حرارة كتير على شعرك وسيبى شعركينشف طبيعى بدل تنشفيه بالسيشوار
- اعملى مساج للفروة يوميا او يوم بعد يومخصوصا للفروة الجافه ده بيساعد على افراز الزيوت الطبيعيه وبيساعد على زياده تدفقالدم فى الفروة فبيساعد على تطويل الشعر حاولى متاخديش كميه كبيرة من الشامبو..يادوب اللى يكفى شعرك ويفضل تخفيفه بالماء الدافىء
- اغسلى شعرك بشامبو مرطب او كريمى لو شعركجاف او عادى ولو شعرك دهنى استخدمى شامبو عشبى او زودى نقط من زيت شجرة الشاى علىالشامبو بتاعك هيخلى مغذى اكتر وهيدى حيويه وانتعاش لفروتك
- سرحى شعرك فى الاول بصوابعك قبل استخدامالمشط ده بيسهل من الستريح وبيقلل من الضرر اللى بيحصل للشعر عند التسريح
- نامى على اغطيه مخدات ستان او غطى شعركببونيه ستان مخرم عشان تحمى شعرك اثناء النوم
- سرحى شعرك من تحت لفوق عشان متسببيش ضررللشعر
- عشان تخلصى اوتقللى من الشحنات الكهربائيه الموجوده فى المشط البلاستيك او الفرشاة بللى الفرشاهاو المشط بالميه قبل التسريح
الروتين اليومى لشعرى
بيبدأ بالتسريح مرتين يوميا الصبح وبليل ومع التسريح الترطيب برطب شعرى مرة يوميا من عند الودن للاطراف ومش بحط من فوقخالص
بعمل بطريقه loc method بالاسبراى (ميه +زيت+ كريم ) يوم بعد يوم
بس فى العادى بحط زيت وبغير فى نوعه مرة زيت جوزهند ومرة زيت ارجان او حتهكريم مع نقطتين زيت
اكتر المشاكل اللى واجهت شعرى
اكترها واصعبها كان التساقط اللى كان شديد جداا واستمر لسنين وهو السببالاساسى اللى خلانى ابحث فى تركيب الشعر وطبيعته والمواد اللى بيدخل فى تركيبهاوالمواد اللى بتساعد على علاجه وكل ده زى ما بيقولوا الحاجه ام الاختراع ههههههههه
واتغلبت عليه بحاجه واحده بس وهى (انى عرفت نوع شعرى وطبيعته وايه المناسبليه وايه الغير مناسب وايه اللى الشعر محتاجه وازاى اتعامل معاه) بعيدا عن اى زيوت وماسكاتوعلاجات خاالص لان هى دى النقطه الاساسيه (اعرفى شعرك)
وعشان كدا انا بكتب موضوعات فى فتكات وعملاها زى سلسله كلها هدفها انىاوصلكوا ازاى كل فتوكه تقدر تعرف نوع شعرها وطبيعته واحتياجاه وتتعامل معاه صحبصرف النظر عن الزيوت والماسكات
مهم جدا ازاى تعرفى شعرك واحتياجاتهوتتعاملى معاه صح الاول وبعدين بتحددى تستخدمى ايه من العلاجات او الزيوت اوالماسكات لان اللى بيناسب نوع شعر مش بيناسب نوع شعر تانى
للتساقط انتى فى الغالب محتاجه الاتى ( فيتامينات للشعر + امبولات ولوشن مننفس النوع + شامبو وماسك طبى )
تانى مشكله واللى مكنتش سهله ابداا برضه وهى الجفاف ان الشعر يبقى ناشفويتكسر فى التسريح بجد مشكله بتعقد بجد واتغلبت عليها بالترطيب الصح مش انك تحطىزيت او كريم وخلاص لا الترطيب بيشمل الترطيب اليومى والاسبوعى
افضل المنتجات اللى استخدمتها وجابت معايا نتيجه
امبولات – بلاسينتور وفيلابورجينى للتساقط وفولتن لتطويل وتتقيل الشعر