الوصفه دى انا كنت عرفتها من اخت هنا في المنتدى هي اللي كان لليها السبق في معرفة السر هي كانت بتجرب لسيون الزعتر وجربت تحط معاه قرنفل وطلع انه بيفرد الشعر بالنسبة لها. بالنسبة ليا بقي لقيت احسن من السيرم مليون مره بيخلي الشعر نايم ومفيش اى هيشان او شعر قصير واقف كده بغلاسه المهم يعني ندخل علي الوصفه معلقة زعتر + 3 ملاعق كبيرة قرنفل اللي هو عيدان مش مطحون ونحط معاهم كوبايتين مياه لحد مي يغلو ويبقي النصف ونسيبهم من بليل للصبح وبعد بصفيهم انا بحط قماشه شيفون جوه الصفايه السلك بتاعة الاعشاب عشان المكونات الصغيره بتسد الباخاخة وبعدين ترشي علي الشعر كله انا بعملها لابني عشان بحب شعره طويل لقيته بقي جميل وعلي طول نايم ومفيش هيشان نهائي وانا كمان برده استخدمته جميل جدا وكمان لاحظت انه مطهر للشعر ابني كان لما يتخلط مع الاطفال بلاقي شعره يبوظ فكنت علي طول بستخدمله مستحضر للوقاية وكل يومين لازم يغسل شعره حتي في الشتاء بمجرد ما استخدمت الوصفة دى وسهيت اسبوع مش حطيت المستحضر ده وطبعا ابني اختلط بالاطفال اياها قولت طبعا زمان شعر يوسف باظ تاني لقيت والله شعره نظيف ومفيش اى حاجة وفضلت مراقبة الموضوع كل ما يوسف يلعب مع الاطفال دول افتش القي شعره بفضل الله نضظيف جدا والعيال دى لسه شعرهم باظ لحد دلوقتي والله وسبحان الله بقالي فترة طويلة تكاد تكون سنة مش بستخدم اى مستحضر لابني خالص . اسفة طووووووووووولت عليكم بس قولت يمكن تسفيدوى من تجربتي المتواضعة . بارك الله فيكن ورزقكن الفردوس الاعلي بجوار المصطفي عليه الصلاة والسلام السلام عليكم ورحمة الله وبركاته