ازيكم يا بنات يارب تكونوا في احسن حال باذن الله انا قررت النهاردة وبعد يومين من نجاح التجربه احكيلكم عن تجربتي مع صبغه كولستون الرغوة طبعا الصبغه انا اشتريتها من حوالي سنه او والله سنه ومستعملتهاش ركنتها كالعاده جيبتها ب 54 ج وقتها المهم اني جيت من يومين بالظبط قولت يا بت بصي علي الصبغه كدة لا يكون تاريخ صلاحيتها انتهي لقيت قدامها سنه كامله كمان قولت طيب ما اتوكل علي الله واصبغ شعري الي كان مخليني مترددة ان شعري خفيف وطويل خفت العبوة متكفيش او الصبغه توقع الشعر قولت انا حتوكل علي الله واتشمرت وبدأت الشغل
دة لون الصبغه الي جيبته الاحمر الكرزي العبوة الي في النص
اتكلت علي الله وقريت التعليمات ةفضيت العلبه الصغيرة جوة العلبه الكبيرة وكل علبه عندك مترقمه يعني مش حتتلبخي ولا حاجة ورجيت العلبه 3 مرات وركبت المضخة وسيبتها دقيقه وبدات قسمت شعري اربعه ولبست طبعا الجوانتي وبقيت اخد الرغوة واحطها علي شعري لحد ما غطيته كله وطبعا ركزت اكتر علي قدام ودة غلط اكتشفته اما خلصت كان لازم اركز علي الشعر كله بس دي اول مرة اصبغ لنفسي وطبعا كنت متلخبطه علي الاخر العبوة كفت الحمد لله بس ريحتها صعبه اوووووووي لمت شعري وقعدت ساعه بالظبط وقمت استحميت وحطيت الكريم الي جاي مع الصبغه وسرحت شعري وانا مرعووووووبه وطبعا اتصدمت مافيش شعرة وقعت والشعر ناعم زي ما هو انا شعري اصلا ناعم اوي نمت وتاني يوم كان الشعر نشف الصبغه لا علمت في المخدة ولا اي حاجة ولقيت الشعر لونه حلو جداااااااااااا طبعا بهدلت وشي وكنت عامله زي مصاصي الدماء بس يلا فدا الصبغه ودي صورة شعري بعد ما اتصبغ
قولوا ما شاء الله باءة ههههههههههههههه
النتيجة هايله فعلا والصبغه ممتازة انصحكم تجربوها وسهله في البيت جدااااااا