ما هو حل فقدان الشهيه لسبب نفسي عندي مشكله فقدان شهيه بشكل دائم اتسببت في انخفاض وزني. على الرغم من اني عارفه ان السبب نفسي لكن عملت تحاليل وفحوصات عشان مقدرتش اقول لحد ان السبب في كده مشكله نفسيه بمر بيها. سبب المشكله اني فقدت شخص عزيز عليا من اكتر من سنه وانا بحاول اخرج نفسي من الحاله دي لكن للأسف مش بقدر اكمل شهر و بعدها احس اني بضحك على نفسي وارجع انهار اكتر من الاول. نوبات اكتئاب فضلت تجيلي على مدار السنه وسببتلي فقدان الشهيه الي اثر على وزني بشكل كبير والي اتسبب في مشكله نفسيه جديده لاني مش قادره اكل وبالتالي مش عارفه ارجع وزني تاني بعد ما فقدت اكتر من 12 كيلو. ارجوكم انا محتاجه حل للمشكله دي في اسرع وقت لاني بضيع. دايما تعبانه ومش قادره اعمل اي حاجه في حياتي أرجوكم ساعدوني.